İsrail Müdafiə Ordusunun (İDF) hərbi qulluqçuları Qəzza sektorunun cənubunda üç silahlı radikalı zərərsizləşdiriblər.
"Ölkə.az" xəbər verir ki, bu barədə ordunun mətbuat xidməti məlumat yayıb.
Şənbə günü ərzində baş verən bir neçə insident zamanı Qəzza sektorunun cənubundakı hərbçilər sarı xətti keçərək qoşunlara yaxınlaşan və onlar üçün birbaşa təhlükə yaradan dörd terrorçu aşkar ediblər. Kimlikləri müəyyənləşdirildikdən sonra hərbi qulluqçular təhlükəni aradan qaldırmaq üçün terrorçulara atəş açıblar. Nəticədə üç terrorçu məhv edilib.
Qurumdan verilən məlumata görə, dördüncü radikalın vurulması faktı qeydə alınıb.
