ain.az, Azertag portalına istinadən məlumatı açıqlayır.
Bakı, 4 may, AZƏRTAC
Avropa İttifaqı (Aİ) Birləşmiş Krallıqdan vahid bazara çıxış üçün illik təxminən 1,15 milyard avro ödəniş tələb edə bilər.
AZƏRTAC xəbər verir ki, bu barədə “The Times” qəzeti məlumat yayıb.
Məlumata görə, Brüssel Böyük Britaniyanın Baş naziri Kir Starmerin mayın 4-də Yerevanda keçiriləcək Avropa Siyasi Birliyi sammiti çərçivəsində Aİ büdcəsinə töhfə verməklə bağlı prinsipial razılığa gəlməsini istəyir. Starmerin ofisi isə bildirib ki, görüşün əsas mövzularından biri Aİ ilə daha sıx əməkdaşlıq olacaq.
Məqalədə adı açıqlanmayan avropalı diplomatın sözlərinə istinad edilir: “Əgər Britaniya daha çox inteqrasiya istəyirsə, bunun üçün ödəniş etməlidir. Bu, qeyri-adi hal deyil”.
Nəşr qeyd edir ki, Aİ üzvü olmayan İsveçrə 2025-ci ildə vahid bazara çıxış üçün Aİ Birlik Fonduna ildə 375 milyon avro ödəməyə razılaşıb. Bu məbləğ ölkənin ÜDM-i əsasında hesablanıb.
Qəzetin Brüsseldəki mənbələrinə görə, Birləşmiş Krallığın ÜDM-i təxminən dörd dəfə böyük olduğundan, Londondan təxminən 1,15 milyard avro tələb oluna bilər. “The Times” yazır ki, bu, Brexitdən sonra Böyük Britaniyanın ilk belə ödənişləri ola bilər.
Ən son xəbərləri və yenilikləri almaq üçün ain.az saytını izləyin.
