BAKI, 4 may. TELEQRAF
Avropa Siyasi Birliyinin bu gün İrəvanda keçiriləcək sammitində hərbi məsələlər müzakirə olunacaq.
Teleqraf xəbər verir ki, bu barədə Avropa Komissiyasının prezidenti Ursula fon der Leyen İrəvanda jurnalistlərə deyib.
O bildirib ki, enerji böhranından sonra ikinci mövzu müdafiə məsələləri olacaq.
Leyen Avropa İttifaqının hərbi təchizat zəncirlərini tam qurmaq niyyətində olduqlarını qeyd edib: “Müdafiə və təhlükəsizlik sahəsində daha çox müstəqilliyə ehtiyacımız var. Özümüzü müstəqil şəkildə müdafiə edə və qoruya bilmək üçün hərbi imkanlarımızı gücləndirməliyik”.
