Qaynarinfo portalından verilən məlumata görə, ain.az xəbər yayır.
Ukraynanın hərbi hissələrindən birində ilkin məlumatlara görə sağlamlıq vəziyyətinə görə xidmətə yararsız olan təxminən iki min səfərbər edilmiş şəxs aşkarlanıb.
Qaynarinfo xəbər verir ki, bu barədə hərbi ombudsman ofisi "Hromadske” nəşrinin sorğusuna cavab olaraq məlumat verib.
Söhbət, xüsusilə, narkotik asılılığı olan şəxslərdən, eləcə də əvəzedici dəstək terapiyası alanlardan gedir.
Daha əvvəl hərbi ombudsman Olqa Reşetilova bildirmişdi ki, bu şəxslər hərbi-həkim komissiyalarının "yararlı” və ya "məhdud yararlı” qərarları ilə səfərbər olunublar.
"Onlar hərbi-həkim komissiyasının yararlı və ya ‘məhdud yararlı’ qərarı ilə orduya cəlb ediliblər. Halbuki Müdafiə Nazirliyinin 402 nömrəli əmrinə əsasən, bu şəxslər hərbi xidmətə yararsız sayılmalıdır”, deyə cavabda qeyd olunur.
Ombudsman ofisi vurğulayır ki, bu, tək hal deyil, sistemli problemdir:
"Vəziyyət artıq böhran xarakteri alıb, çünki tibbi göstəricilərə görə xidmət etməməli olan çox sayda insan artıq hərbi bölmələrdədir”.
Hazırda Müdafiə Nazirliyi və Quru Qoşunlarının komandanlığı nümayəndələrinin iştirakı ilə idarələrarası yoxlama aparılır. Məsul şəxslər barədə hələlik məlumat verilmir.
Hərbi hissənin adı açıqlanmır. Bununla belə, qurum problemin hərtərəfli araşdırılacağını və qanunvericiliyə dəyişikliklərlə bağlı təkliflərin hazırlanacağını bildirir.
Aydın
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
