ABŞ hücum helikopterləri Fars körfəzindən ticarət gəmilərini çıxarmaq üçün keçirilən "Azadlıq Missiyası" əməliyyatı zamanı Hörmüz boğazı yaxınlığında iki İran dəniz gəmisini məhv edib.
Musavat.com xəbər verir ki, məlumatı ABŞ Mərkəzi Komandanlığı (CENTCOM) X hesabında yayıb: "Ticarət gəmilərini təhdid edən İran kiçik gəmilərini məhv etmək üçün ABŞ Ordusunun Dəniz Şahini və AH-64 Apache helikopterlərdindən istifadə edilib".
Həmçinin vurğulanır ki, gəmilərlə yanaşı, ABŞ hücum helikopterlərindən Hörmüz boğazında və yaxınlığında fəal şəkildə istifadə olunur.
Daha əvvəl CNN CENTCOM komandanı Bred Kuperə istinadən xəbər vermişdi ki, İranın ABŞ Hərbi Dəniz Qüvvələrinə və onun himayəsi altında olan ticarət gəmilərinə hücum etməsindən sonra ABŞ ordusu bazar ertəsi günü Hörmüz boğazında cəmi altı İran gəmisini batırıb. Daha sonra ABŞ prezidenti Donald Tramp ABŞ-ın yeddi kiçik İran gəmisini məhv etdiyini açıqladı.
Bu arada, Mərkəzi Komandanlıq ABŞ Hərbi Dəniz Qüvvələrinin idarə olunan raket esmineslərinin Hörmüz boğazından keçdikdən sonra Fars körfəzində əməliyyatlar aparmağa davam etdiyini və ticarət gəmiçiliyi üçün tranzitin bərpası səylərinə fəal şəkildə kömək etdiyini bildirib. ABŞ ordusunun verdiyi məlumata görə, ABŞ bayrağı altında üzən iki ticarət gəmisi əvvəlki gün Hörmüz boğazından uğurla keçib və təhlükəsiz şəkildə səyahətlərinə davam edir.
Musavat.com
