Yay mövsümü yaxınlaşdıqca ailələrin ən çox düşündüyü məsələlərdən biri tətil xərcləridir.
“Cebheinfo.az”-ın araşdırmasına görə, son illər həm yerli, həm də xarici tur paketlərinin qiymətləri dəyişdiyi üçün “Xaricə getmək daha ucuzdur, yoxsa Azərbaycanda qalmaq?” sualı aktuallaşıb.
Turizm şirkətlərinin təqdim etdiyi xarici tur paketlərində qiymətlər əsasən 1 nəfər üçün (standart paketlər) hesablanır.
Məsələn, Gürcüstan (Batumi, Tbilisi) turları təxminən 219–295 ABŞ dolları (təxminən 372–500 AZN) aralığında olur və 5–7 gecəlik istirahəti əhatə edir. Türkiyə (Antalya, İstanbul) turları isə orta hesabla 300–1600 ABŞ dolları (təxminən 510–2720 AZN) arasında dəyişir.
Bu paketlərə adətən aviabilet, otel, transfer və bəzi hallarda səhər yeməyi daxildir. Uzaq xarici istiqamətlərdə isə qiymətlər daha da yüksək olur və yenə 1 nəfərlik paketlər kimi təqdim edilir.
Azərbaycan daxilində isə istirahət qiymətləri daha çox otaq və ya ailə paketi (2–4 nəfər) formatında hesablanır. Orta hesabla 3–4 ulduzlu otellərdə 2–3 gecəlik istirahət 300–800 AZN (2 nəfərlik otaq) aralığında dəyişir.
Daha lüks otellərdə isə bu rəqəm 1000 AZN-dən yuxarı olur və adətən 2–4 nəfərlik ailə otaqlarını əhatə edir. Bəzi hallarda 5–6 günlük yerli istirahət xərci yaxın xarici tur paketləri ilə eyni səviyyəyə çata bilir.
Ümumi müqayisədə əsas fərqlər belədir:
Gürcüstan və Türkiyə kimi yaxın ölkələrdə qiymətlər 1 nəfər üçün hesablandığı üçün ilk baxışda daha ucuz görünür, lakin ailə üçün ümumi xərclər (bir neçə nəfər, aviabilet və əlavə xidmətlər) artdıqca bu üstünlük azalır.
Azərbaycanda isə xərclər daha çox ailə və otaq əsaslı olduğu üçün daha sabit, planlı olur, əlavə yol xərclərinin az olması da üstünlük sayılır.
Qeyd edək ki, xarici turlar (xüsusilə Gürcüstan və Türkiyə) fərqli təcrübə və bəzən daha aşağı başlanğıc qiymət təqdim etsə də, ümumi ailə büdcəsi baxımından Azərbaycan daha planlı və idarəolunan seçim kimi i görünür. Amma təbii ki, keyfiyyətlə bağlı eyni fikri söyləmək olmur.
Ən sərfəli variant isə ailənin büdcəsi, nəfər sayı və istirahətdən gözləntilərinə görə dəyişir.
Turizm üçün ən sərfəli ölkələr isə aşağıdakılardır (1 nəfər üçün orta yay paketi qiymətləri):
