İranın Yəzd əyalətinin hüquq-mühafizə orqanları İsa Məsih olduğunu iddia edən bir təriqətin qurucusunu saxlayıb.
“Cebheinfo.az” xəbər verir ki, bu barədə əyalət prokuroru Mehdi Həsənpur bildirib.
"Əyalətdəki təriqətin lideri əvvəlcə Tanrı tərəfindən seçildiyini iddia edib, sonra İsa Məsihə istinad edərək öz ilahiliyini iddia edib.
O, xurafat aşılayıb, qeyri-adi zahidlik tətbiq edib və davamçılarını eqoist məqsədlər üçün istismar edib", - o bildirib.
Prokurorun sözlərinə görə, təriqət üzvləri Quranı yandırıb, müqəddəs yerləri, müsəlman din xadimlərini təhqir edib və İsrailin İran üzərində qələbəsi üçün dua ediblər.
O qeyd edib ki, istintaq zamanı təriqətdə əsas rol oynayan üç şəxs saxlanılıb.
