İsrail ordusu HƏMAS-ın komandirini məhv etdi – VİDEO

İsrail Müdafiə Ordusu Qəzza zolağının mərkəzi hissəsində keçirdiyi əməliyyat zamanı HƏMAS-ın elit “Nuxba” bölməsinin komandirini məhv etdiyini bildirib.

Bizim.Media xəbər verir ki, bu barədə İsrail ordusu məlumat yayıb.

Məlumata görə, zərbə nəticəsində Anas Məhəmməd İbrahim Hamad öldürülüb.

İsrail tərəfi onun HƏMAS-ın “Nuxba” bölməsində komandir olduğunu və 2023-cü il oktyabrın 7-də İsrail ərazisinə daxil olaraq hücumda iştirak etdiyini iddia edir.

Bildirilib ki, əməliyyat ötən gün Qəzza zolağının mərkəzi hissəsində həyata keçirilib.

HƏMAS tərəfi hadisə ilə bağlı hələlik açıqlama verməyib.


Bizim.Media

• Əməliyyat
• Qəzza
• Zərbə
• Komandir
• İsrail
• Nuxba