"Atletiko" Çempionlar Liqasının yarımfinalında "Arsenal"la oyundan öncə baş verən insidentlə bağlı UEFA-ya şikayət edib.
QOL.az xəbər verir ki, "Marca"nın məlumatına görə, Madrid təmsilçisinin İngiltərədə qaldığı otelin qarşısında "Arsenal" azarkeşləri gecə saatlarında səs-küy salaraq komandanın istirahətinə mane olublar. Fanatlar təxminən 20 dəqiqə atəşfəşanlıq edərək futbolçuların hazırlıq prosesini pozublar.
Buna görə "Atletiko" UEFA-ya rəsmi müraciət edib.