ain.az bildirir, Demokrat.az portalına istinadən.
Bir vaxtlar lüksün simvolu və əsl delikates sayılan halva bu gün populyarlığını xeyli itirib. Halbuki o, vitamin və minerallarla zəngin mühüm qida mənbəyidir. Demokrat.az xəbər verir ki, bu barədə “Wp Kobieta” yazır.Məqalədə qeyd olunur ki, müasir dövrdə müxtəlif şirniyyatların bolluğu fonunda küncüt halvası bir qədər unudulub. Lakin ona yalnız nostalji səbəblərlə deyil, ilk növbədə yüksək qida dəyərinə görə qayıtmaq tövsiyə olunur.Halvanın rasiona daxil edilməsinin əsas səbəbi onun əsas tərkib hissəsi olan küncüt toxumlarıdır. Bu toxumlar kalsium, maqnezium, fosfor və kaliumla zəngindir. Nəticədə halva sinir sistemini dəstəkləyir, sümükləri möhkəmləndirir və diqqəti yaxşılaşdırır.Bundan əlavə, küncüt tərkibində qiymətli doymamış yağ turşuları, o cümlədən linoleik turşu saxlayır. Bu maddə qan-damar sisteminə müsbət təsir edir, xolesterin səviyyəsini tənzimləməyə kömək edir və ürək funksiyasını dəstəkləyir.Həmçinin küncüt halvası “gənclik vitamini” kimi tanınan E vitamini ilə zəngindir. Bu vitamin orqanizmi sərbəst radikalların təsirindən qoruyur və dəri, saç, dırnaq sağlamlığına müsbət təsir göstərir.Məqalədə vurğulanır ki, küncüt toxumları sezamin və sezamolin kimi unikal liqnanların mənbəyidir. Bu maddələr güclü antioksidant və iltihabəleyhinə təsirə malikdir. Onların sayəsində küncüt halvasının az miqdarda, lakin müntəzəm qəbulu oksidativ stressə qarşı qoruyur, toxumaların yenilənməsini dəstəkləyir və dərinin elastikliyini daha uzun müddət saxlamağa kömək edir.Bununla belə, yüksək yağ və şəkər tərkibinə görə halva kalorili məhsuldur. Lakin ölçülü istifadə edildikdə o, süni rəngləyicilər və konservantlarla zəngin müasir emal olunmuş şirniyyatlarla müqayisədə daha sağlam alternativ hesab olunur. Halva həmçinin fiziki və zehni yüklənmədən sonra enerji ehtiyatını tez bərpa etməyə kömək edir.Jalə
Demokrat.az
Daha ətraflı məlumat və yeniliklər üçün ain.az saytını izləyin.
