Fransa çempionu və Çempionlar Liqasının son qalibi PSJ ardıcıl ikinci il Çempionlar Liqasının finalına yüksəlib.
Vətəninfo.az xəbər verir ki, arımfinalın ikinci oyununda ispan məşqçi Luis Enrikenin rəhbərlik etdiyi komanda yeni Almaniya çempionu “Bayern Münhen” ilə 1-1 hesablı heç-heçə etdi.
Üçüncü dəqiqədə PSJ-nin gürcü hücumçusu Xviça Kvaratsxelianın ötürməsindən sonra fransız hücumçusu Usman Dembele alman Manuel Noyerin müdafiə etdiyi qolu vurdu ( video ).
Əlavə vaxtın dördüncü dəqiqəsində İngiltərə millisinin hücumçusu Harri Keyn bərabərliyi bərpa etdi ( video ).
PSJ Parisdə 5:4 hesabı ilə qalib gəldi.
Mayın 30-da Macarıstanın paytaxtı Budapeştdə keçiriləcək finalda PSJ-nin rəqibi yarımfinalda Atletiko Madridi mübarizədən kənarlaşdıran (1:1, 1:0) İngiltərə vitse-çempionu və hazırkı Premyer Liqa lideri Arsenal olacaq.
