ain.az, Demokrat.az portalından verilən məlumatlara əsaslanaraq xəbər verir.
Səhər enerjisinin əsas mənbələrindən və ən güclü “nümunəvi zülal” qaynaqlarından biri olan yumurta həkimlərin də tez-tez tövsiyə etdiyi qidalardandır. Lakin bu dəyərli qidadan nə qədər zülal alındığı bişirmə üsulundan asılıdır. Son elmi araşdırmalar göstərir ki, yüksək temperaturda bişirmə üsulları yumurtadakı zülalın strukturunu poza və amin turşularını zədələyə bilər.Demokrat.az xəbər verir ki, qidalanma mütəxəssislərinin araşdırmalarına görə, yumurtada zülalın həzm olunması üçün istilik vacibdir, lakin temperatur səviyyəsi həlledici rol oynayır.Çiy istehlakla bağlı yanlış təsəvvürÇiy yumurtada zülalın yalnız təxminən 51 faizi həzm oluna bilir, düzgün bişirilmiş yumurtada isə bu göstərici 91 faizə qədər yüksəlir.Yüksək temperaturun təhlükəsiHəddindən artıq istilik zamanı “zülal denaturasiyası” baş verir. Bu zaman zülalın təbii strukturu daimi şəkildə pozulur və amin turşuları zədələnərək orqanizm üçün faydasız hala gələ bilər.Yumurta sarısındakı boz halqa nəyi göstərir?Yumurta həddindən artıq qaynadıldıqda sarının ətrafında yaranan yaşıl-boz halqa yalnız vizual dəyişiklik deyil. Elmi analizlər bu vəziyyətdə əsas amin turşularından biri olan l-lizin miqdarında azalma olduğunu göstərir. Bu halqa yumurtanın qida keyfiyyətinin düşdüyünün göstəricisi hesab olunur.Ən böyük səhv: Çox qızmış yağda qızartmaYumurtanın qida dəyərini azaldan əsas səhvlərdən biri tavanın həddindən artıq qızdırılması və yumurtanın kənarları qəhvəyi rəng alana qədər bişirilməsidir. Bu zaman zülal strukturu sərtləşir və “rezinvari” tekstura yaranır ki, bu da qida dəyərinin azalması ilə əlaqələndirilir.Zülalı qoruyan düzgün üsullarMütəxəssislərin tövsiyə etdiyi əsas bişirmə üsulları bunlardır:Yumşaq qaynadılma (4–7 dəqiqə): su qaynadıqdan sonra bu müddət yumurta ağının bərkiməsinə, sarının isə yumşaq qalmasına imkan verir və qida dəyərini yüksək saxlayır.Qaynar su üsulu: yumurtanın qabıqsız şəkildə qaynar suya salınaraq bişirilməsi zülalın daha təbii formada qalmasına kömək edir.Aşağı temperaturda omlet: yumurtanı zəif odda, qurumadan və kremvari tekstura saxlanılaraq bişirmək tövsiyə olunur.Yumurtanın qida dəyərini maksimum qorumaq üçün bişirmə temperaturuna və müddətinə diqqət yetirmək əsas şərt kimi göstərilir.Jalə
Demokrat.az
Ən son xəbərləri və yenilikləri almaq üçün ain.az saytını izləyin.
