BAKI, 7 may. TELEQRAF
Milli Onkologiya Mərkəzi “Azәri Med” MMC ilə daha bir müqavilə imzalayıb.
Teleqraf xəbər verir ki, şirkət Mərkəzi laborator reagentlər və sərf materialları ilə təmin edəcək.
Bunun üçün “Azəri Med” MMC-yə 4 milyon manat vəsait ödənilib.
Qeyd edək ki, Milli Onkologiya Mərkəzi bundan əvvəl cari ilin martında “Azәri Med” MMC ilə psixotrop və güclü təsiredici dərman preparatlarının satın alınması üzrə 198 min manatlıq müqavilə bağlayıb.
Hər iki müqavilənin bitmə tarixi ilin sonuna təyin olunub.
