Ukrayna Milli Qvardiyasının 1-ci “Azov” Korpusunun pilotları Donetsk bölgəsində müvəqqəti işğal olunmuş Mariupol şəhərinin yollarında kəşfiyyat və zərbə sistemindən istifadə edərək patrul xidmətinə başlayıblar.
“Azov” bu barədə 8 may tarixində Facebook-da məlumat verib. Bəyanatda deyilir: “Azov Mariupola qayıdıb. Hazırda kəşfiyyat və zərbə sistemindən istifadə edir.” Onlar təmas xəttindən 160 kilometr aralıda yolları patrul edirlər. Kəşfiyyat və zərbə sistemlərinin kameraları Mariupolu və işğalçıların hərbi hədəflərini çəkir.
“Azov” izah edib ki, Rusiya qoşunları şəhərdə və onun ətrafındakı Ukrayna yollarından şəxsi heyətin və digər hərbi texnikanın daşınması üçün istifadə edir. Onlar həmçinin əlavə ediblər ki, 1-ci Korpus Rusiya logistikası üçün “sanitar zona” yaratmağa davam edir. Odur ki, zərbələrin dərinliyi artacaq. “Azov artıq doğma Mariupolunu patrul edir, lakin hələlik havadan. Amma daha çox şey olacaq”, korpus əmin edib.
//Samir Qurbanov, Editor.az
