Xəbər verdiyimiz kimi Ermənistanda bir neçə gündür ki, uşaq və azyaşlı qızlara qarşı cinsi zorakılıqla bağlı yeni qalmaqal yaşanır. Saytlar araşdırmaçı jurnalist Suzi Badoyana istinad edərək yazırlar ki, bir neçə pedofilin adı cinayət işində hallansa da, onlar sərbəst şəkildə azadlıqda gəzirlər. Halbuki, həmin təcavüzkarların aşkar şəkildə cinayət törətməsi ilə bağlı faktlar var. Erməni jurnalist qeyd edib ki, bu cinayətləri törədənlər sıradan biri deyil, xüsusi dəstə üzvləridir.
Publika.az xəbər verir ki, bu gün isə Badoyan yeni maraqlı faktlar aşkarlayıb. O, həmin dəstə üzvlərindən daha birinin videosunun aşkarlandığını deyib.
"Bu, vəkil Varduhi Elbakyanın Vedidəki cinayətlərlə bağlı açıqlamasında qeyd etdiyi üçüncü pedofildir. Videodakı şəxs də, bu yaxınlarda Vedidəki yetkinlik yaşına çatmayan bacılarla bağlı qalmaqallı işdə ittiham olunub. Onun 60.000 dram borcu var və məhkəmə ondan bu məbləğdə pul (və ya mülk) müsadirə edib... İcevandan olan bu "yaraşıq" bir neçə il əvvəl 14 yaşlı qıza qarşı cinsi təcavüz hadisəsində iştirak edib. O, həmin cinayət işinə şahid kimi tanınınb. Haqqında söz açdığım 39 yaşlı şübhəli şəxs sonradan təcavüz etdiyi qızla çox güman ki, cinayət məsuliyyətinə cəlb olunmamaq üçün evlənib...",- jurnalistin araşdırmasında yazılıb.
Xatırladaq ki, Badoyan bir neçə gün öncə "Vedi qalmaqalı"nı ifşa edərkən yazmışdı ki, bu bölgədə tələbə qızlara qarşı təcavüz hadisələri ilə bağlı cinayət işi açılsa da, bu istiqamətdə lazımi araşdırma aparılmayıb: "Bu necə mümkündür axı? Bu ittiamla bağlı dəlilləri dərc edəcəyəm! Bir daha təkrar edirəm ki, iki kişi bu insidentlə bağlı hələ də azadlıqdadır. Onlar hamı üçün real təhlükə yaradırlar və Vedi polisinin bununla bağlı fəaliyyətsizliyi qızlardan birinin ailə üzvünün qisas almasına səbəb olub..."
