ain.az bildirir, Demokrat.az portalına istinadən.
Kabab hazırlayarkən istifadə olunan ənənəvi üsullar bəzən dadlı görünsə də, orqanizm üçün ciddi təhlükələr yaradır. Xüsusilə mayonez və sirkə ilə hazırlanan marinadlar sağlamlıq baxımından ən zərərli seçimlər hesab olunur.Demokrat.az xəbər verir ki, bunu terapevt Zarema Ten deyib. Həkimin sözlərinə görə, mayonez açıq odda qızdırıldıqda kanserogen xüsusiyyətlər qazanır və qaraciyəri hədsiz yükləyir. Yağlı ətlə birləşən yüksək kalori həzm sistemi üçün ağır sınağa çevrilir. Sirkə isə aqressiv turşu olduğu üçün mədənin selikli qişasını qıcıqlandırır, qastrit və ya xora xəstəliyini kəskinləşdirə bilər. Üstəlik, sirkə əti yumşaltmaq əvəzinə çox vaxt onu bərkidir və qurudur.Zarema Ten mağazalarda satılan hazır marinad qarışıqlarından da uzaq durmağı məsləhət görür. Çünki həmin məhsulların tərkibindəki inqrediyentlərin keyfiyyəti və təhlükəsizliyi sual altındadır. Sağlam alternativ olaraq həkim qazlı su və ya qatıq variantlarını təklif edir."Kababı bol soğan, ədviyyat və qazlı suda marinad etməyi sınayın. Karbon qazı ətin liflərini yumşaldır, nəticədə içi zərif, çölü isə qızılı rəngdə kabab alınır. Digər faydalı seçim isə qatıq və göyərti qarışığıdır. Bu üsul donuz və toyuq əti üçün idealdır. Qatıq ətin fermentasiyasına kömək edərək həzm prosesini asanlaşdırır", - deyə həkim bildirib.Həkim həmçinin qeyd edib ki, yalnız marinada deyil, ətin seçiminə də məsuliyyətlə yanaşmaq lazımdır. Mağazadan hazır marinad olunmuş ət almaq risklidir, çünki kəskin ədviyyat qoxusu ətin təzə olmadığını gizlədə bilər. Hazır yeməyin yanında bol tərəvəz və göyərti yemək isə həzmi sürətləndirir.Yəni, kabab hazırlayarkən mayonez və sirkədən imtina edib, əvəzində qazlı su və ya qatıqdan istifadə etmək həm əti daha yumşaq edir, həm də mədə və qaraciyəri qoruyur.İsmayıl
Demokrat.az
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
