Sherg.az portalından alınan məlumata görə, ain.az xəbər verir.
Hörmüz boğazında ABŞ ilə İran arasında hərbi gərginlik artır. Avropa bölgədə hərbi gəmilər və hava qüvvələri ilə güclü təhlükəsizlik xətti qurmağa hazırlaşır.
Sherg.az xəbər verir ki, "Bloomberg"in məlumatına görə, İngiltərə və Fransanın rəhbərliyində 40-dan çox ölkənin daxil olduğu geniş koalisiya, bölgədən keçən ticarət gəmilərinin təhlükəsizliyini təmin etmək üçün böyük bir dəniz əməliyyatına hazırlaşır.
Planın bölgədə mümkün atəşkəs və ya sülh razılaşmasından sonra işə salınması nəzərdə tutulur. Əsas məqsəd strateji su yolunda ticarət axınının təhlükəsiz şəkildə bərpasıdır.
İngiltərənin HMS Dragon adlı hərbi gəmini bölgəyə göndərdiyi bildirilir. Bu gəmi hava hücumundan müdafiə imkanları ilə ticarət gəmilərinə müşayiət edən əsas qüvvələrdən biri olacaq.
Fransa isə çəkindirmə gücünü artırmaq məqsədilə "Charles de Gaulle" təyyarə gəmisini Qırmızı dənizə yerləşdirib.
Koalisiyanın yalnız müşayiət missiyası ilə kifayətlənməyəcəyi, mina təmizləmə və hava patrulları kimi əlavə hərbi fəaliyyətləri də əhatə edəcəyi bildirilir.
Dünyanın ən vacib enerji və ticarət keçid nöqtələrindən biri olan Hörmüz boğazı bu planla yenidən qlobal təhlükəsizlik gündəminin mərkəzinə çevrilib.
Məlumata görə, ABŞ-İsrail hücumlarından sonra İran Hörmüz boğazını bağlamış, icazəsiz keçən gəmilərə hücum etmişdi. Daha sonra İran “güvənli keçid haqqı” ilə bağlı planlar hazırladığını açıqlamışdı.
İran lideri Ayətullah Müctəba Xamanei isə bölgədə yeni idarəetmə planı tətbiq ediləcəyini bildirmişdi.
Sonrakı hadisələr barədə daha çox məlumat almaq üçün ain.az saytını izləyin.
