İspaniya La Liqasının 35-ci turunda "Barselona" "Real"ı qəbul edib.
QOL.az xəbər verir ki, "Kamp Nou" stadionunda keçirilən görüşdə Kataloniya klubu 2:0 hesablı qələbə qazanıb.
"Barselona"nın hücumçusu Markus Reşford 9-cu dəqiqədə matçın ilk qolunu vurub. Ferran Torres isə 18-ci dəqiqədə komandasının üstünlüyünü artırıb.
Bu oyundan sonra "Barselona" çempionluğu rəsmiləşdirib. Hans-Diter Flikin komandası 91 xalla liderdir. "Real" isə 77 xalla ikinci yerdədir. Çempionatın bitməsinə 3 tur qalıb. Katalonlar 29-cu dəfə İspaniya çempionluğunu qazanıb.
