Ayna saytından alınan məlumata görə, ain.az bildirir.
Neft təchizatı yaxın müddətdə əhəmiyyətli dərəcədə pisləşərsə, yanacaq rasionu planı tətbiq oluna bilər
Yeni Zelandiya hökuməti Hörmüz boğazında gəmiçilik məhdudiyyətləri və qlobal neft qiymətlərinin artması fonunda ölkə üçün yanacaq rasionu planı hazırlayıb. AYNA.AZ xəbər verir ki, bu barədə “Bloomberg” ölkənin Maliyyə Nazirliyinə istinadən məlumat yayıb.
Bildirilib ki, ölkənin neft təchizatı vəziyyəti yaxın müddətdə əhəmiyyətli dərəcədə pisləşərsə, yanacaq rasionu planı tətbiq oluna bilər. Lakin hökumət bu cür addımlar atmağa məcbur olmayacağını gözləyir.
Vəziyyət pisləşərsə, plana əsasən, yanacağa üstünlük təcili yardım xidmətlərinə, səhiyyə işçilərinə, məktəblərə və qida istehsalı və paylanmasına cavabdeh olan müəssisələrə veriləcək. Digər istehlakçılar yanacaqdoldurma məntəqələrində yanacaq istehlakı kvotalarına məruz qalacaqlar. Bu kvotalar ölkədəki yanacaq çatışmazlığının səviyyəsindən asılı olaraq dəyişəcək.
May ayının əvvəlində Yeni Zelandiya fövqəladə halların qarşısını almaq üçün əlavə doqquz günlük dizel yanacağı tədarükü alıb.
Daha ətraflı məlumat və yeniliklər üçün ain.az saytını izləyin.
