Müəllif:Mehin Qasımova,Banco.az
ABŞ-İsrail-İran müharibəsinin başlanğıcından bəri dünyanın ən dəyərli 10 şirkətinin ümumi bazar dəyəri 16,69 faiz və ya 4,183 trilyon dollar artaraq 29,24 trilyon dollara çatıb.
Banco.az xəbər verir ki, Nvidia-nın dəyəri 5 trilyon dollardan, Alphabet və Apple-ın dəyəri isə 4 trilyon dollardan çoxdur.
Bazar kapitallaşması 5,229 trilyon dollar olan ən dəyərli 10 şirkət arasında liderlik edən "Nvidia", mart ayında 67,797 milyard dollar zərərlə üzləşdikdən sonra aprel ayında 5 trilyon dollarlıq həddi keçərək öz rekordunu qırdı. Ayın sonunda mənfəət əldə etdikdən sonra bu səviyyəni qoruya bilməsə də, "Nvidia" daha sonra 5 trilyon dollarlıq həddi keçdi.
Nvidia-nın ən yaxın rəqibi 4,834 trilyon dollarla "Alphabet", 4,309 trilyon dollarla "Apple" isə ardınca gəlir.
Siyahıda dördüncü yerdə 3,084 trilyon dollarlıq bazar kapitallaşması ilə "Microsoft", beşinci yerdə isə 2,933 trilyon dollarlıq "Amazon" qərarlaşıb. İlk beşliyi 2,036 trilyon dollarlıq "Broadcom", 1,890 trilyon dollarlıq "TSMC", 1,769 trilyon dollarlıq "Saudi Aramco", 1,609 trilyon dollarlıq "Tesla" və 1,5475 trilyon dollarlıq "Meta" şirkətləri izləyir.
Bu dövrdə bazar dəyərində azalma yaşayan yeganə şirkət 92.627.63 milyon dollar itirən "Meta" şirkəti olub.
