Fanat saytından verilən məlumata əsasən, ain.az məlumatı açıqlayır.
"Barselona"nın hücumçusu Robert Levandovski cari mövsümün sonunda Kataloniya klubundan ayrılacağını açıqlayıb.
Fanat.Az xəbər verir ki, polşalı ulduz forvard bu barədə "Sport.es"-ə özü məlumat çatdırıb.
Levandovskinin "Barselona" ilə müqaviləsi 2026-cı ilin iyun ayının sonuna qədərdir. O, mövsümün sonunda klubu azad agent kimi tərk edəcək.
37 yaşlı hücumçu sözügedən portala açıqlamasında gələcəyindən danışıb:
"Karyeramı davam etdirmək üçün müxtəlif variantlar, o cümlədən aşağı səviyyəli liqaya keçmək variantı mümkündür. Demək olar ki, 38 yaşım var, amma fiziki cəhətdən özümü yaxşı hiss edirəm. Ona görə də fərqli variantları nəzərdən keçirirəm. Nəzərə almalıyam ki, indi oynamaq və həyatdan zövq almaq vaxtıdır. Müqaviləmdə 51 gün qalıb, ona görə də hələ vaxt var. Təklifləri dinləyib sonra qərar verəcəyəm".
2025/26 mövsümündə qazandığı çempionluq Levandovskinin karyerasında 14-cü milli liqa titulu olub. O, daha əvvəl "Lex Poznan"la Polşa, "Borussiya Dortmund" və "Bayern Münhen" ilə Almaniya, "Barselona" ilə İspaniya çempionluğunu qazanıb.
Ümumilikdə, klub səviyyəsində Levandovski 33 kubok qazanıb və 20 dəfə müxtəlif turnirlərdə ən çox qol vuran oyunçu olub.
Abunə Ol
Sonrakı hadisələr barədə daha çox məlumat almaq üçün ain.az saytını izləyin.
