ain.az bildirir, Ayna portalına istinadən.
“Müsbət nəticə göstərən xəstədə hantavirus olduğu təsdiqlənib"
İspaniya Səhiyyə Nazirliyi MV Hondius kruiz gəmisindən təxliyə edilənlərdən birinin hantavirusa yoluxduğunu təsdiqləyib. AYNA.AZ xarici mediaya istinadən bildirir ki, bu barədə nazirliyin Mətbuat Xidməti məlumat yayıb.
Bildirilib ki, "dünən müsbət nəticə göstərən xəstədə hantavirus olduğu təsdiqlənib".
Gəmidən təxliyə edilən digər 13 nəfərdə hələ də hantavirus testi müsbət çıxmayıb.
10 mayda hantavirus epidemiyası yaşayan “MV Hondius” gəmisi Tenerife adasına (Kanar Adaları Muxtar Birliyi) çatıb. Gəmidəkilərin təxliyəsi 11 mayda başa çatıb və gəmi təxminən 30 heyət üzvü ilə birlikdə Hollandiyaya yola düşüb. “MV Hondius” gəmisində on dörd ispan olub. Onlar karantin üçün Madrid Hərbi Xəstəxanasına aparılıblar.
Hantaviruslar əsasən kiçik məməliləri yoluxduran, lakin insanlara da yoluxa bilən viruslar ailəsidir. Ağır hallarda yoluxmuş insanların ağciyərləri zədələnir və ürək çatışmazlığı və hemorragik qızdırma inkişaf edir.
Hadisənin gedişatını izləmək üçün ain.az saytında ən son yeniliklərə baxın.
