“Just go” mahnısının milli musiqi mədəniyyətimizə aidiyyəti yoxdur.
Bunu Əməkdar incəsənət xadimi, tanınmış bəstəkar Cavanşir Quliyev EDnews-a açıqlamasında bildirib.
O, “Avroviziya” mahnı müsabiqəsində Azərbaycanı təmsil edəcək müğənni Cəmilə Həşimovadan söz açıb:
“Müğənni gözəl deyil. Mahnı isə Qərb pop musiqisinin bəzi hissəciklərindən çevrilmiş və quraşdırılmış bir mahnıdır. Darıxdırıcıdır. Parlaq deyil. Süni intellektin “bəstələdiyi” mahnılara bənzəyir”.
Xatırladaq ki, bu il keçiriləcək “Avroviziya” mahnı müsabiqəsində Azərbaycanı Jiva səhnə adı ilə tanınan müğənni Cəmilə Həşimova təmsil edir. O, mayın 14-də Vyanada keçiriləcək 70-ci “Avroviziya” mahnı müsabiqəsində 2 nömrə altında səhnəyə çıxacaq. Jiva müsabiqədə “Just go” adlı mahnını səsləndirəcək. Mahnının söz və musiqisinin müəllifi azərbaycanlı və amerikalı bəstəkar Fuad Cavadovdur.
