Ümumdünya Səhiyyə Təşkilatı (ÜST) Konqo Demokratik Respublikasında (KDR) və Uqandada Ebola epidemiyası səbəbindən beynəlxalq səhiyyə fövqəladə vəziyyəti elan edib.
Day.Az -ın məlumatına görə , bəyanat təşkilatın rəsmi saytında dərc olunub.
Təşkilat bunun pandemiya deyil, epidemiya olduğunu vurğuladı. Hazırda yoluxmaların faktiki sayı və xəstəliyin coğrafi yayılması ilə bağlı ciddi qeyri-müəyyənlik mövcuddur.
Mövcud məlumatlara görə, Konqo Respublikasının üç zonasında Ebola ilə əlaqəli olduğu ehtimal edilən 80 ölüm hadisəsi, eləcə də 246 yoluxma hadisəsi qeydə alınıb ki, bunlardan yalnız səkkizi laboratoriyada təsdiqlənib.
Epidemiyanın episentri Konqonun İturi əyalətinin Monqbvalu və Rvampara rayonlarındadır.
“Konqo Demokratik Respublikası Ebola epidemiyalarının idarə olunmasında geniş təcrübəyə malikdir və ÜST davamlı reaksiyasının bir hissəsi olaraq dəstəyini sürətlə artırır. Milli hakimiyyət orqanları və tərəfdaşlarla sıx əməkdaşlıq edərək, virusun yayılmasının qarşısını almaq, insanları qorumaq və həyatları xilas etmək üçün əlavə resursları və mütəxəssisləri sürətlə səfərbər edirik”, – ÜST-ün Afrika üzrə Regional Direktoru Məhəmməd Canabi bildirib.
Ebola virusu vəhşi heyvanlar vasitəsilə ötürülür. İlkin simptomlara qızdırma, əzələ ağrıları, baş ağrısı və boğaz ağrısı daxildir. Daha sonra böyrək və qaraciyər funksiyası pozulur, daxili və xarici qanaxma baş verə bilər.
DOĞRU.AZ
