SUMQAYIT, 18 may. TELEQRAF
Sumqayıtda evdə meyit aşkarlanıb.
Teleqraf-ın yerli bürosu xəbər verir ki, hadisə şəhərin İnşaatçılar qəsəbəsində yerləşən fərdi yaşayış evlərindən birində qeydə alınıb.
1985-ci il təvəllüdlü Məmmədov Elşən Oruc oğlunun meyiti yaşadığı evdə aşkar edilib.
Hadisə barədə hüquq-mühafizə orqanlarına məlumat verilib. Meyitə baxış keçirilib və aidiyyəti üzrə araşdırmalara başlanılıb.
Faktla bağlı Sumqayıt şəhər Prokurorluğunda araşdırma aparılır.
