Premyer-liqada mövsümün ən gənc futbolçusu kimdi?

“Kəpəz”in futbolçusu Raul İsaqov Misli premyer-liqasının 2025/26 mövsümündə meydana çıxan ən gənc futbolçu olub.

"Football-plus.az" xəbər verir ki, hücumçu 32-ci turun “Araz-Naxçıvan”la səfər qarşılaşmasında şans qazanıb.

O, premyer-liqada 16 yaş 162 günlüyündə debüt edib. Raul qarşılaşmanın 81-ci dəqiqəsində meydana daxil olub.

“Kəpəz” səfər matçında 0:2 hesabı ilə uduzub.