BAKI, 20 may. TELEQRAF
Dünya əhalisinin təxminən 20 faizi şəhər ərazilərində yaşayır. Bu tendensiyanın davam edəcəyi gözlənilir. Bildirilir ki, 2050-ci ilə qədər şəhər mühitlərində dünya əhalisinin təxminən üçdə ikisi yaşayacaq.
Teleqraf xəbər verir ki, bu barədə BMT-nin Ətraf Mühit Proqramının (UNEP) icraçı direktorunun müavini Elizabet Maruma Mrema WUF13 çərçivəsində keçirilən “Yeni Şəhər Gündəliyinə Həyat Vermək: Davamlı Şəhərlər üçün Hava Keyfiyyətinin və Yaşıl İnfrastrukturun İnteqrasiyası” adlı tədbirdə çıxışında deyib.
“Çünki şəhərlər indi həlledici bir onilliyə daxil olur. Qarşıdakı illərdə veriləcək qərarlar yalnız iqtisadi inkişafın və iqlim dayanıqlığının istiqamətini deyil, həm də şəhər həyatında insan sağlamlığı və ləyaqətinin ən əsas şərtlərini müəyyən edəcək".
O bildirib ki, forum təkcə şəhərlərin necə böyüməsini müzakirə etmək üçün deyil, həm də getdikcə daha çox şəhərləşən dünyada “yaşanabilirlik” anlayışını yenidən müəyyənləşdirmək üçün mühüm imkandır
