BAKI,TurkicWorld Yusif Şərifzadə
Rusiyanın xarici işlər nazirinin müavini Sergey Ryabkov ABŞ və İran arasında aparılan danışıqlara yardım etməyə hazır olduqlarını, lakin öz xidmətlərini tərəflərə qəbul etdirmək niyyətində olmadıqlarını bildirib.
TurkicWorld xəbər verir ki, Ryabkov müsahibəsində Rusiyanın münaqişənin həllinə mümkün olan bütün yardımı göstərməyə hazır olduğunu və bunu yalnız tərəflərin uyğun müraciəti olduqda edəcəyini deyib. O bildirib: “Rusiya bu münaqişənin həllinə mümkün olan bütün yardımı göstərməyə hazırdır və bu, tərəflərə yaxşı məlumdur. Eyni zamanda, biz heç vaxt öz xidmətlərimizi qəbul etdirməmişik və bunu etmək niyyətində də deyilik. Lakin uyğun müraciət olarsa, yardım əlimizi uzadacağıq.”
Ryabkov əlavə edib ki, Moskva həmişə və indi də “yalnız siyasi və diplomatik kanallar vasitəsilə həll yollarının tapılmasına sadiqdir” və Vaşinqtonla Tehranın danışıqlar prosesini yenidən bərpa etmək cəhdlərini alqışlayır. O, həmçinin “Pakistan tərəfinin vəziyyətin sabitləşdirilməsi və davamlı sülhə doğru irəliləyiş üçün şərait yaradılmasında fəal rolunu” qeyd edib.
