BAKI, 21 may. TELEQRAF
Premyer Liqa təmsilçilərindən “Kristal Pelas”ın müdafiəçisi Maksans Lakrua karyerasını başqa klubda davam etdirə bilər.
Teleqraf xəbər verir ki, “Çelsi” 26 yaşlı fransalı futbolçunu prioritet transfer hədəfi kimi müəyyənləşdirib.
Məlumata görə, Lakruanın transfer dəyəri 40 milyon avro qiymətləndirilir.
Onun “Kristal Pelas”la müqaviləsi 2029-cu ilin yayına qədər qüvvədədir.
Fransa millisinin heyətinə dəvət alan müdafiəçi cari mövsümdə 54 oyunda meydana çıxıb, 3 qol və 3 məhsuldar ötürmə ilə yadda qalıb.
