“The Football Otfice TV”də yayımlanan “Təmiz söhbət” verilişinin növbəti buraxılışı efirə gedib.
Tanınmış jurnalist Elçin Cəfərovun aparıcısı olduğu verilişin qonağı Türkiyənin məşhur mütəxəssislərindən Hikmət Karaman olub.
Azərbaycan və Türkiyə futbolu ətrafında cərayan edən hadisələrdən danışan təcrübəli çalışdırıcı yerli həmkarları barədə tənqidi fikirlər səsləndirib. Belə ki, “Iğdırspor”un baş məşqçisi bu gün Azərbaycanda türkiyəli məşqçilərə güvənilməməsini əvvəllər əldə edilən uğursuz nəticələrlə əlaqələndirib:
“Çox təəssüfedici məqamdır. Əgər əvvəllər Azərbaycanda çalışanlar uğurlu olsalar idi, indi Türkiyədən məşqçilərə inanardılar. Buna görə çox üzülürəm”.
