İran Prezidenti Məsud Pezeşkian ölkə Silahlı Qüvvələrinin baş komandanı Əmir Xatəmi ilə görüşüb.
Senzor.az yerli KİV-ə istinadən bildirir ki, söhbət zamanı Prezident hökumətin bütün gücü ilə ordunun yanında olduğunu və avadanlıqların modernləşdirilməsini, əməliyyat infrastrukturunun gücləndirilməsini və çəkindirmənin artırılmasını dəstəklədiyini bildirib.
Pezeşkian deyib ki, milli birlik, müdafiə hazırlığı və İran Silahlı Qüvvələrinin nüfuzunun qorunması ölkənin təhlükəsizliyinin, sabitliyinin və təhdidlərə və düşmənlərin birgə müharibəsinə qarşı sülhün ən vacib sütunudur.
“İran ordusu ölkənin təhlükəsizliyini, müstəqilliyini, ləyaqətini və ərazi bütövlüyünü, eləcə də böyük İran xalqını qorumaq üçün bütün gücü ilə fədakarlıq etməyə hazırdır və öz missiyasını yerinə yetirməkdə bir an belə tərəddüd etməyəcək”, - Xatəmi də öz növbəsində vurğulayıb.
