Lent az saytından əldə olunan məlumata görə, ain.az məlumat yayır.
Zaqatala rayon Prokurorluğunun təşəbbüsü ilə Akademik Zərifə Əliyeva adına Texniki Fənlər Təmayüllü Liseyin inzibati binasında həmin məktəbin, eləcə də rayonun Sumaylı, Göyəm, Çökəkoba kənd orta məktəblərinin yuxarı sinif şagirdlərinin iştirakı ilə "Təmiz gələcək - Narkotikə Yox De" maarifləndirici tədbir keçirilib.
Lent.az xəbər verir ki, Baş Prokurorluğun xüsusi tapşırığı ilə respublikanın bütün rayon və şəhərlərindəki orta məktəb şagirdləri üçün "Təmiz gələcək - Narkotikə Yox De" maarifləndirici tədbirlərə start verilib.
Həmçinin, Baş Prokurorluq tərəfindən narkotik vasitələrin, psixotrop maddələrin və onların prekursorlarının qanunsuz dövriyyəsinin qarşısının alınması, onların insan sağlamlığına və cəmiyyətə vurduğu zərər barədə məlumatlılığın artırılması məqsədilə maarifləndirici bukletlər də hazırlanıb.
Həmin materiallarda narkotik vasitə və psixotrop maddələrin istifadəsinin hüquqi məsuliyyəti, insan sağlamlığına mənfi təsirləri, eləcə də bu kimi halların profilaktikasının əhəmiyyəti barədə ətraflı məlumatlar öz əksini tapıb.
Zaqatala Prokurorluğu rayonun digər təhsil müəssisələrində də analoji tədbirləri davam etdirəcək.
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
