“Neftçi” heyətində ciddi ayrılıqlar yaşanıb.
Klubdan 90deqiqe.Az-a bildirilib ki, paytaxt klubu üç legioner futbolçu ilə əməkdaşlığa son qoyub. “Ağ-qaralar” Vensan Abubakar, Edvin Kuç və Kristian Kostinlə başa çatan müqavilələri yeniləməmək qərarı verib.
2025-ci ilin oktyabrında komandaya qoşulan Vensan Abubakar qısa müddətdə məhsuldar oyunu ilə diqqət çəkib. Hücumçu “Neftçi”nin heyətində keçirdiyi 18 rəsmi matçda 9 qol vurub. O, Premyer Liqada meydana çıxdığı 16 qarşılaşmada 7 dəfə fərqlənərək 2025/2026 mövsümünün orta qol göstəricisinə görə ən effektiv futbolçularından biri olub.
2024-cü ilin yayında transfer olunan Edvin Kuç isə Bakı klubunda 44 rəsmi oyunda iştirak edib və 1 qol müəllifi olub.
Kristian Kostin isə 2025-ci ilin yayından etibarən “Neftçi” forması ilə 7 rəsmi matça çıxıb.
