ain.az xəbər verir, Oxumeni.az saytına əsaslanaraq.
Yerin fırlanması görünməmiş sürətlə yavaşlayıb
Avstriya və İsveçrə alimləri müəyyən ediblər ki, Yerin fırlanması son 3,6 milyon ilin ən sürətli tempi ilə yavaşlayır. Oxuməni.az-ın məlumatına görə, bu barədə Vyana Universitetinin və Sürix Ali Texniki Məktəbinin tədqiqatçıları “BBC Science Focus” portalında bildiriblər.
Avropa alimlərinin tədqiqatına əsaslanan mətindən belə çıxır ki, "günlərimizin uzanma sürəti hazırda geoloji tarixin 3,6 milyon ili üçün "səviyyəsizdir"".
Tədqiqat qrupu, əsasən buzların əriməsi nəticəsində dəniz səviyyəsinin qalxması ilə əlaqədar olaraq, Yer kürəsində günün uzunluğunun hazırda əsrdə təxminən 1,33 millisaniyə artdığı qənaətinə gəlib.
Tədqiqatçılar okeanın dibindən götürülmüş birhüceyrəli orqanizmlərin daşlaşmış qalıqlarını tədqiq ediblər. Onların kimyəvi tərkibinə əsasən, keçmişdə dəniz səviyyəsinin dalğalanmaları, sonra isə planetin fırlanma sürətinin dəyişməsi hesablanıb.
Mütəxəssislər rekord yavaşlamanı iqlim dəyişikliyi səbəbindən qütb buzlaqlarının əriməsi ilə əlaqələndirirlər. Ərimiş su okeanlara axır, ekvatora daha yaxın yayılır və kütləni qütblərdən uzaqlaşdırır, bu da Yerin fırlanma sürətinə təsir edir. Belə bir yavaşlama gələcəkdə sutkanın müddətini bir qədər artıra bilər, lakin bu proses min illər çəkəcək.
Almaz Həsənli
Sonrakı hadisələr barədə daha çox məlumat almaq üçün ain.az saytını izləyin.
