İsrail Müdafiə Qüvvələri (İDF) Qəzza zolağında HƏMAS-ın maliyyə şəbəkəsinin rəhbərini zərərsizləşdirdiyini bildirib.
Yeniavaz.com xəbər verir ki, bu barədə İDF mətbuat xidməti məlumat yayıb.  
Bundan əlavə, İsrail HƏMAS-ın istehsal şöbəsinin komandirini də öldürüb.
“İDF Xan Yunisə hava hücumu həyata keçirib və HƏMAS-ın maliyyə şəbəkəsinin rəhbəri İhab Xrizimi zərərsizləşdirib. Xrizimdən əlavə, İDF həmçinin, HƏMAS üçün silah istehsalında iştirak edən HƏMAS-ın istehsal şöbəsinin komandiri Məhəmməd əl-Habaşı da öldürüb”, - deyə İDF-in mətbuat xidməti bildirib.
Agentliyin məlumatına görə, Xrizim HƏMAS-ın hərbi qanadına milyonlarla dolların köçürülməsini təşkil etməkdən məsul olubvə son aylarda onun fəaliyyəti terrorçuların İsrail əsgərlərinə və İsrail mülki şəxslərinə hücumlar həyata keçirməsinə imkan yaradıb.