...Müharibədən sonrakı Fransanın simvolu olan əfsanəvi Citroën 2CV, təxminən 17.000 dollara başa gələn əlverişli elektrik avtomobili kimi bazara qayıda bilər.
SİA-nın əldə etdiyi məlumata görə, bu barədə Autoblog yazır.
İkonik modelin yeni versiyasının qarşıdan gələn Citroën ë-C3-dən daha ucuz olacağı və Avropada büdcəli elektrik avtomobillərinə artan tələbatı ödəmək üçün nəzərdə tutulduğu gözlənilir.
Avtomobil artıq ë-C3 üçün istifadə edilən və istehsal xərclərini azaltmağa kömək edən Stellantis-in Smart Car platformasında istehsal olunacaq.
Orijinal Citroën 2CV 1948-ci ildən 1990-cı ilə qədər istehsal olunub və Fransanın "xalq avtomobili" hesab olunurdu. Model yumşaq asqısı, kənd yollarında rahat idarəetməsi, sadə dizaynı və son dərəcə aşağı istismar xərcləri ilə məşhur idi. Mediada yer alan məlumatlara görə, yeni elektrik avtomobili orijinalın ruhunu - minimalizmi, praktikliyi və unikal dizaynını qoruyub saxlayacaq.
Lakin, avtomobil texniki xüsusiyyətlərinə görə tamamilə müasir və elektrikli olacaq.
Citroën hələ modelin istehsal versiyasını rəsmi olaraq təqdim etməyib.
Lakin, layihə artıq şirkətin gələcək elektrik avtomobillərinə həsr olunmuş Stellantis FaSTLAne 2030 tədbirində müzakirə olunub.
Əli Babayev
