"SpaceX" şirkəti gözlənilən ilkin kütləvi təklifi öncəsi qiymətləndirmə hədəfini (şirkətin dəyərini) yenidən nəzərdən keçirib. Bloomberg News-in aprel ayındakı “2 trilyon dollardan yuxarı” gözləntisinin əksinə olaraq, şirkət hazırda ən azı 1,8 trilyon dollarlıq qiymətləndirməni hədəfləyir.
Marja xəbər verir ki, SpaceX ilkin kütləvi təklif (İPO) prosesində investorlar və məsləhətçilərlə aparılan məsləhətləşmələr nəticəsində hədəfi kiçiltsə də, hələ də tarixin ən böyük İPO-suna hazırlaşır.
SpaceX-in 20 may 2026-cı il tarixli ilkin kütləvi təklif sənədi şirkətin sadəcə peyk internet provayderi və ya raket istehsalçısı olmaqdan çıxaraq süni intellekt infrastrukturu şirkətinə çevriləcəyini ortaya qoyur. Şirkət gələcək vizyonunda orbitdə yerləşdiriləcək məlumat mərkəzləri inşa etməyi hədəfləyir.
SpaceX süni intellekt xidmətləri və infrastruktur xidmətləri ilə ümumilikdə 28,5 trilyon dollarlıq nəhəng bazarda güclü oyunçu olmağı hədəfləyir.
Şirkət 2025-ci ildə gəlirlərini 18,7 milyard dollara çatdırıb, əvvəlki ildə isə bu rəqəm 14 milyard dollar səviyyəsində idi.
İlkin kütləvi təklif sənədində əks olunan maliyyə göstəriciləri böyüməyə yönəlmiş investisiyaların mənfəətlilik üzərində yaratdığı təzyiqi də göstərir.
2024-cü ildə 791 milyon dollar mənfəət açıqlayan şirkət intensiv investisiya dövrü olan 2025-ci ili 4,94 milyard dollar zərərlə başa vurub.
Fevral ayında Elon Musk-ın "Grok" çat-botu və "X" sosial media platformasını "xAI" şirkətini tərkibinə qatıb. Bu zaman "SpaceX" 1 trilyon dollar, "xAI" isə 250 milyard dollar üzərindən qiymətləndirilib.
