Çin Xarici İşlər Nazirliyinin Vaşinqtonun Amerika qırıcı təyyarəsinin vurulmasında Çin MANPADS-ının istifadə edildiyi iddialarını rədd edib.
“İki sahil” yazır ki, bu barədə “Xinhua” xəbər agentliyi məlumat yayıb.
Məlumata görə, nazirliyin sözçüsü Quo Ciakun deyib:
"Çin həmişə hərbi ixracata ehtiyatlı və məsuliyyətli yanaşıb və öz qanunlarına, qaydalarına və beynəlxalq öhdəliklərinə uyğun olaraq ciddi nəzarət həyata keçirir. Biz əsassız böhtanlara və zərərli əlaqələrə qarşıyıq".
İki nəfərlik Amerika “F-15E” qırıcı təyyarəsi aprelin 3-də İran ərazisi üzərində vurulub. “Axios”un məlumatına görə, heyət üzvləri - həm pilot, həm də şturman - təyyarəni yerə saldıqdan sonra bir-biri ilə əlaqə saxlaya biliblər. Agentliyin mənbələri pilotun təyyarə qəzasından bir neçə saat sonra xilas edildiyini bildirib. ABŞ daha sonra ikinci heyət üzvünün xilas edildiyini bildirib.
“NBC News” mənbələrə istinadən iddia edib ki, təyyarə Çin istehsalı olan daşına bilən hava hücumundan müdafiə sisteminin (MANPADS) hücumu nəticəsində qəzaya uğrayıb.
Məhərrəm Ağalaroğlu, “İki sahil”
