Bakıda 79 nömrəli marşrut xətti üzrə fəaliyyət göstərən bütün avtobuslar yenilənib.
Publika.az xəbər verir ki, bu barədə Rəqəmsal İnkişaf və Nəqliyyat Nazirliyi yanında Azərbaycan Yerüstü Nəqliyyat Agentliyi (AYNA) məlumat yayıb.
Bildirilib ki, iyunun 1-dən etibarən marşrut xəttinə ekoloji cəhətdən təmiz CNG texnologiyası ilə təchiz olunmuş yeni avtobuslar cəlb edilib.
Məlumata görə, xətt üzrə 16 avtobus fəaliyyət göstərəcək və nəqliyyat vasitələri 7 dəqiqə hərəkət intervalı ilə sərnişinlərə xidmət göstərəcək.
