2026-cı il dünya çempionatında iştirak edəcək Türkiyə millisi ABŞ-a çatıb.
QOL.az xəbər verir ki, bu barədə Anadolu Agentliyi məlumat yayıb.
İstanbuldan havaya qalxan xüsusi təyyarə Florida ştatındakı Fort-Loderdeyl Beynəlxalq Hava Limanına enib. Daha sonra komanda avtobusla qalacaqları otelə yollanıb. Otelin qarşısında toplaşan türk azarkeşlər millini bayraqlar və şüarlarla qarşılayıblar.
DÇ-2026-da ABŞ, Avstraliya və Paraqvayla birlikdə D qrupunda mübarizə aparacaq Türkiyə millisi mundial öncəsi son yoxlama oyununu iyunun 7-də Venesuelaya qarşı keçirəcək.
Qeyd edək ki, Türkiyə millisi dünya çempionatında ilk oyununu iyunun 14-də Avstraliyaya qarşı keçirəcək.
