BAKI, 3 iyun. TELEQRAF
Küveyt hava limanına ABŞ-nin "Patriot" hava hücumundan müdafiə raketinin zərbəsi nəticəsində ziyan dəyib.
Teleqraf xəbər verir ki, İslam İnqilabı Keşikçiləri Korpusunun (SEPAH) sözçüsü Hüseyn Mohebi hücumda heç bir iştiraklarının olmadığını bəyan edib.
İranın dövlət televiziyası onun sözlərini sitat gətirib: "Küveyt sərnişin terminalına edilən hücumla bağlı insidentin araşdırılması və yoxlanılması göstərir ki, İslam İnqilabı Keşikçiləri Korpusunun Aerokosmik Qüvvələri bu hədəfə heç bir raket atmayıb. Küveyt hava limanı sərnişin terminalının məhv edilməsi Amerika "Patriot" sistemlərinin səhvinin nəticəsidir və onlar İran raketlərini ələ keçirmək üçün uğursuz cəhddən sonra terminala düşüblər".
Küveytin Mülki Aviasiya Baş İdarəsi daha əvvəl beynəlxalq hava limanının T1 sərnişin terminalına İranın dron və raketlərlə hücum etdiyini bildirmişdi. Əmirliyin Xarici İşlər Nazirliyinin məlumatına görə, zərbə nəticəsində bir nəfər həlak olub, 63 nəfər yaralanıb. Terminala xeyli maddi ziyan dəyib.
