Dani Alveşin cinsi zorakılığa görə məhkəməsi başa çatıb

İspaniyanın Barselona şəhərindəki əyləncə mərkəzinin tualetində bir qadına cinsi təcavüz etməkdə təqsirli bilinərək 1 ildən artıqdır həbsdə olan keçmiş futbolçu Daniel Alveş da Silvanın (Dani Alves) məhkəməsi başlayıb.
İndex.az xəbər verir ki, məhkəmədə Dani Alveş üçün 12 ilə qədər cəza istənilib.
Barselona Əyalət Məhkəməsində keçirilən üç günlük məhkəmə prosesinin son günündə ifadə verən Alveş prokurorun suallarını cavablandırmaqdan imtina edib.
Alveş yalnız vəkilinin suallarını cavablandırarkən, hadisə baş verən gecə çox sərxoş olduğunu, lakin onu zorlamada ittiham edən 23 yaşlı qadınla öz razılığı ilə cinsi əlaqədə olduğunu iddia edib. İfadəsi zamanı ağlayan Alveş vəkili vasitəsilə bəraətini istəyib və 1 il həbs və 50 min avro təzminat alternativi təklif edib.
Məhkəmə isə qərarını yaxın günlərdə açıqlayacaq.