Ötən ay sərhədi pozan 41 nəfər saxlanılıb

Saxlanılanlardan 29-u xarici ölkələrin vətəndaşıdır
Fevral ayı ərzində dövlət sərhədini pоzduqlarına görə 41 nəfər saxlanılıb. AYNA xəbər verir ki, bu barədə Dövlət Sərhəd Xidmətinin yaydığı məlumatda qeyd olunub.
Bildirilib ki, saxlanılanlardan 12-i Azərbaycan, 11-i Pakistan, 7-i İran, 3-ü Əlcəzair, 3-ü Şri-Lanka, 2-i Hindistan, 2-i Mərakeş, və 1-i İraq vətəndaşı оlub.
Qeyd olunub ki, qanunsuz miqrasiya ilə mübarizə tədbirləri çərçivəsində 13 nəfər saxta tarix möhürü, saxtalaşdırılmış pasport, özgəsinə məxsus sənədlə dövlət sərhədini keçməyə cəhd göstərərkən saxlanılıb.