Kişi voleybolçulardan ibarət “Xarı Bülbül” komandası Çelenc Kubokunda növbəti oyununu keçirib.

Futbolpress.az xəbər verir ki, Azərbaycan təmsilçisi turnirin 1/32 finalında Slovakiyanın “TJ Spartak” klubuna qalib gəlib.

Bakıdakı Voleybol Mərkəzində baş tutan matçda rəqibini 3:1 (25:22, 22:25, 25:21, 25:21) hesabı ilə məğlub edən "Xarı Bülbül" Çelenc Kubokunda 1/16 finala yüksəlib.

“Xarı Bülbül” növbəti mərhələdə noyabrın 29-da Yunanıstanın “Panatinaikos” komandası ilə qarşılaşacaq.