Kolumbiya millisinin yarımmüdafiəçisi Xames Rodrigez Amerika Kuboku turnirinin rekordunu təkrarlayıb.
Publika.az xəbər verir ki, o, buna Panama 1/4 final oyununda (5:0) 2 məhsuldar ötürmək etməkə nail olub. Hazırda davam edən yarışda Xamesin aktivində 5 assist var.
Əvvəllər bunu bir turnirdə cəmi üç nəfər bacarıb – Denilson (Braziliya, 1997), Aleks (Braziliya, 2004) və Lionel Messi (Argentina, 2021). Rodrigez daha bir məhsuldar ötürmə verərsə, ilkə imza atacaq.
