Peyk görüntüləri İsrail ordusunun HƏMAS-la müharibədə Qəzza şəhərini tədricən mühasirəyə aldığını göstərir.
Bu barədə Qaynarinfo CNN-ə istinadən xəbər verir.
Nəşrin məlumatına görə, peykdən çəkilmiş görüntülər İsrail hərbçilərinin indi Qəzza zolağını iki yerə bölməyə cəhd etdiyini göstərir.
Onlar Fələstin anklavının ən böyük şəhərinə üç tərəfdən - şimal-qərbdən, şimal-şərqdən və qəsəbənin cənub hissəsi boyunca yaxınlaşırlar.
"Çərşənbə günü Avropa Kosmik Agentliyinin peykdən çəkilmiş görüntülərinə görə, İsrail əsgərləri Qəzzanın cənub hissəsi boyunca dənizə doğru irəliləyərək şəhərin tam mühasirəsində bir kilometrə yaxın ərazidən keçiblər”, – jurnalistlər bildiriblər.
CNN-in məlumatına görə, peyk görüntüləri, demək olar ki, sahilə qədər uzanan ağır texnikanın izlərini göstərir.
Nizami Bağırov
