Ukrayna Volın qırğını zamanı öldürülən polyakların qalıqlarını ekshumasiya etmədən AB-yə üzv olmaq arzusunda olmamalıdır.
Axar.az xəbər verir ki, bunu Polşa xarici işlər nazirinin müavini Pavel Yablonski deyib.
“Ukraynalıların özlərinin də başa düşdüyü bu problemi həll etmədən Kiyevin AB-yə daxil olmaq barədə düşünməyə belə əsası yoxdur”, - o bildirib.
Yablonskinin sözlərinə görə, öldürülən polyakların cəsədlərinin ekshumasiyası məsələsi həll edilmədən Ukrayna ilə uzunmüddətli barışıq mümkün deyil.
O əlavə edib ki, AB ölkələrin birliyidir, ona görə də onun üzvləri arasında həll olunmamış mübahisələr və problemlər olmamalıdır.
