Millimizin sabiq futbolçuları məşqçi kursuna qatıldı

AFFA-nın Təhsil və Reabilitasiya Mərkəzində UEFA B kateqoriyalı məşqçi kursunun I mərhələsi keçirilir.

"Football-plus.az" xəbər verir ki, avqustun 15-dək davam edəcək məşğələlərə təlimatçılar Aslan Kərimov, Arif Əsədov və Osman Rəhimov rəhbərlik edir.

Kurslara yığmamızın sabiq futbolçuları Asif Məmmədov, Maksim Medvedev və Ağabala Ramazanov da qatılıblar.

Qeyd edək ki, məşqçi kursunun 2-ci mərhələsi 9-12 sentyabr, III mərhələsi 30 sentyabr – 3 oktyabr, IV mərhələsi (imtahan həftəsi) 4-8 noyabr tarixlərində baş tutacaq.