UEFA Çempionlar Liqasının pley-off mərhələsində keçiriləcək "Qarabağ" "Dinamo Zaqreb" görüşünün saatı dəqiqləşib.
Missiya.Az xəbər verir ki, komandalar arasında ilk görüş Xorvatiyada avqustun 20-də, Bakı vaxtı ilə saat 23:00-da başlayacaq.
Cavab matçı isə avqustun 28-də Tofiq Bəhramov adına Respublika stadionunda saat 20:45-də start götürəcək.
Qeyd edək ki, Azərbaycan çempionu III təsnifat mərhələsində Bolqarıstan təmsilçisi "Ludoqorets"i mübarizədən kənarlaşdırıb. Bakıda rəqibinə 1:2 hesabı ilə uduzan "köhlən atlar" səfərdəki matçın əsas vaxtında 3:2 hesabı ilə qalib gəliblər. Əlavə vaxtda rəqibinə dörd qol vuran "Qarabağ" 7:2 hesablı qələbəyə sevinib.
