Misir hakimiyyəti HƏMAS hərəkatının yaxın günlərdə bir neçə girovu azad edəcəyi barədə İsraili məlumatlandırıb.
Axar.az xəbər verir ki, bu barədə “Al Arabiya” məlumat yayıb.
Kanalın həmsöhbətlərinin sözlərinə görə, İsrail tərəfi HƏMAS girovların ilk qrupunu azad edənə qədər Qəzza zolağına hər hansı atəşkəs və yanacaq tədarükündən imtina edib.
Qeyd edək ki, bundan öncə “Röyters” agentliyi HƏMAS hərəkatının "Əş-Şəfa" xəstəxanası ətrafında yaranmış vəziyyətlə əlaqədar girovların azad edilməsi ilə bağlı danışıqları dayandırması barədə məlumat yaymışdı.
